امریکا کا H-1B ویزا کیپ پٹیشنز پر ایک لاکھ ڈالر سے زائد فیس عائد کرنے کی تجویز کا اعلان

امریکی ہوم لینڈ سیکیورٹی (DHS) نے ایچ ون بی (H-1B) کیپ کے تحت جمع کروائی جانے والی تمام پٹیشنز پر 1,03,265 ڈالر کی نئی فیس عائد کرنے کی تجویز دی ہے، جس میں ایڈوانس ڈگری کی استثنیٰ حاصل کرنے والی پٹیشنز بھی شامل ہیں۔ یہ مجوزہ فیس دیگر تمام رائج فیسوں اور ادائیگیوں کے علاوہ درخواست دائر کرتے وقت ہی ادا کرنا ہوگی۔ یو ایس سی آئی ایس (USCIS) کے مطابق اس اقدام کا مقصد قانون سازی کے نظام، درخواستوں کے جائزے، فراڈ کی روک تھام، سیکیورٹی جانچ پڑتال اور قونصلر ویزا پروسیسنگ کے اخراجات وصول کرنا ہے۔ ہوم لینڈ سیکیورٹی کا تخمینہ ہے کہ سالانہ 85 ہزار کیپ پٹیشنز کی بنیاد پر اس فیس سے حکومت کو تقریباً 8.8 ارب ڈالر کی رقم وصول ہوگی، تاہم یہ نئی فیس اعلیٰ تعلیمی اداروں اور غیر منافع بخش تحقیقی اداروں کی جانب سے جمع کی جانے والی غیر کیپ درخواستوں پر لاگو نہیں ہوگی۔