ایران کے خلاف فیصلہ کن اقتصادی کارروائی آج شروع کی جائے گی: امریکی وزیرِ خزانہ

امریکی وزیرِ خزانہ سکاٹ بیسنٹ نے اعلان کیا ہے کہ امریکہ ایران کے خلاف اب تک کی تاریخ کی سب سے بڑی اور فیصلہ کن معاشی کارروائی کا آغاز کرنے جا رہا ہے، جس کا مقصد تہران کی حکومت کو مکمل طور پر تنہا کرنا ہے۔ انہوں نے دعویٰ کیا کہ صدر ڈونلڈ ٹرمپ کی قیادت میں امریکہ اب فائنل مرحلے میں داخل ہو چکا ہے، جس کے تحت ایران کی عسکری صلاحیتوں اور جوہری پروگرام کو شدید نقصان پہنچانے کے بعد اب اس کی تمام معاشی شریانوں کو کاٹ دیا جائے گا۔ امریکی وزیرِ خزانہ کے مطابق مزید سخت ترین پابندیوں کا یہ نیا سلسلہ ایرانی حکومت کے خاتمے کا باعث بنے گا اور ایران سے معاشی تعاون برقرار رکھنے والے دیگر ممالک بھی ان پابندیوں کی زد میں آئیں گے۔