LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

مشرقِ وسطیٰ کی بدلتی صورتحال میں چین کے وزیر خارجہ کا سعودی عرب، یو اے ای اور اردن کا اہم دورہ

Web Desk

11 December 2025

بیجنگ: مشرقِ وسطیٰ میں تیزی سے بدلتی ہوئی سفارتی اور اسٹریٹجک صورتحال کے تناظر میں چین کے وزیر خارجہ وانگ یی نے آج سعودی عرب، متحدہ عرب امارات اور اردن کے اہم دورے کا آغاز کر دیا۔ اس دورے کو خطے میں طاقت کے نئے توازن اور امن کی کوششوں کے باعث غیرمعمولی اہمیت حاصل ہے۔

عالمی خبر رساں ادارے کے مطابق اس وقت مشرقِ وسطیٰ میں اثرورسوخ، اقتصادی تعاون اور نئی صف بندیاں بڑی طاقتوں کے لیے مرکزی حیثیت اختیار کر چکی ہیں، جبکہ چین بھی خطے میں اپنا کردار مزید مضبوط کرنے کے لیے سرگرم ہے۔

چینی وزارتِ خارجہ کے مطابق وانگ یی کا دورہ 12 سے 16 دسمبر تک جاری رہے گا، جس میں وہ تینوں ممالک کے وزرائے خارجہ سے ملاقاتیں کریں گے۔ ترجمان گو جیاکون کا کہنا ہے کہ اس دورے سے سیاسی باہمی اعتماد مزید مستحکم ہوگا اور تعاون کے نئے دریچے کھلیں گے۔

اگرچہ باضابطہ ایجنڈا ظاہر نہیں کیا گیا، تاہم ذرائع کے مطابق مذاکرات میں دوطرفہ تعلقات، مشرقِ وسطیٰ کی موجودہ صورتحال، مشترکہ مفادات اور خطے میں امن کی کوششیں اہم موضوعات ہوں گے۔

یہ بھی امکان ظاہر کیا جا رہا ہے کہ چین اپنے بیلٹ اینڈ روڈ منصوبے کو مشرقِ وسطیٰ تک مزید توسیع دینے پر بات چیت کرے گا یہ وہ عالمی اقتصادی منصوبہ ہے جسے صدر شی جن پنگ نے گزشتہ دہائی میں عالمی سطح پر متعارف کرایا تھا۔

واضح رہے کہ 2023 میں سعودی عرب اور ایران کے درمیان سفارتی تعلقات کی بحالی میں بھی چین نے کلیدی کردار ادا کیا تھا، جس کے بعد خطے میں بیجنگ کا اثرورسوخ مزید بڑھا ہے۔