وزیراعظم شہباز شریف آئندہ ماہ امریکا کا دورہ کریں گے

اسلام آباد: وزیراعظم محمد شہباز شریف اقوام متحدہ کی جنرل اسمبلی کے سالانہ اجلاس میں شرکت کے لیے آئندہ ماہ ستمبر میں امریکہ کا دورہ کریں گے۔سفارتی ذرائع کے مطابق، اقوام متحدہ کی جنرل اسمبلی کا اعلیٰ سطحی اجلاس ستمبر سے شروع ہو رہا ہے، جس میں وزیراعظم پاکستان کی نمائندگی کرتے ہوئے جنرل اسمبلی کے فلیپ روم میں کلیدی خطاب کریں گے۔ اپنے خطاب کے دوران وہ عالمی و علاقائی سلامتی، موسمیاتی تبدیلی، معاشی چیلنجز اور دیگر بین الاقوامی امور پر پاکستان کا موقف دنیا کے سامنے پیش کریں گے۔

دورے کے دوران وزیراعظم شہباز شریف کی عالمی رہنماؤں، مختلف ممالک کے وزرائے اعظم و صدور، اور اقوام متحدہ کے اعلیٰ حکام سے سائیڈ لائنز پر اہم دو طرفہ ملاقاتیں بھی طے ہیں۔ ان ملاقاتوں میں دوطرفہ تعلقات کے فروغ، معاشی تعاون اور علاقائی امن پر تبادلہ خیال کیا جائے گا۔