ٹرمپ کا جنوبی کیرولائنا کی ریلی میں آبنائے ہرمز کو امریکی علاقہ قرار دینے کا اعلان

امریکی صدر ڈونلڈ ٹرمپ نے جنوبی کیرولائنا میں ایک انتخابی ریلی سے خطاب کرتے ہوئے ایران کے خلاف جارحانہ موقف اپناتے ہوئے آبنائے ہرمز کو “امریکی علاقہ” قرار دینے کا اعلان کیا ہے۔ صدر ٹرمپ کا کہنا تھا کہ خطے میں امریکی بحری اور فضا ئی ناکہ بندی کے بعد واشنگٹن کو اس تمام تر تزویراتی آبی گزرگاہ اور اس سے متصل علاقوں پر مکمل کنٹرول حاصل ہے۔ انہوں نے خبردار کیا کہ ایران کو کسی صورت ایٹمی ہتھیار حاصل کرنے نہیں دیے جائیں گے اور ایسا ہونے کی صورت میں سنگین نتائج برآمد ہوں گے۔ ٹرمپ انتظامیہ کی جانب سے ایران پر معاشی دباؤ مزید بڑھانے کی تیاری کی جا رہی ہے، جس کے تحت ایران سے تجارت برقرار رکھنے والے ممالک، بالخصوص چین، پر سخت معاشی پابندیاں عاید کی جا سکتی ہیں۔ دوسری جانب ایرانی حکام نے ٹرمپ کے اس بیان کو شدید تنقید کا نشانہ بناتے ہوئے اسے ایک “خام خیالی” قرار دیا ہے۔ ایرانی نائب وزیرِ خارجہ کا کہنا تھا کہ آبنائے ہرمز پر امریکی قبضے کے دعوے حقیقت کے برعکس ہیں اور خطے کی موجودہ صورتِ حال امریکی موقف کی نفی کرتی ہے۔