معاشی دباؤ ایران کو معاہدے کی طرف آنے پر مجبور کرے گا: جے ڈی وینس

امریکی نائب صدر جے ڈی وینس نے بیان جاری کرتے ہوئے کہا ہے کہ ایران پر شدید معاشی دباؤ اسے مذاکرات اور معاہدے کی طرف آنے پر مجبور کر دے گا اور امریکہ اسے کسی صورت بھی نئی جوہری تنصیبات کی تعمیر کی اجازت نہیں دے گا۔ انہوں نے دعویٰ کیا کہ آبنائے ہرمز پر ایران کی اجارہ داری ختم کر دی گئی ہے اور اس آبی گزرگاہ کو بطور ہتھیار استعمال کرنے کا وقت اب گزر چکا ہے۔ دوسری جانب امریکی وزیرِ خزانہ سکاٹ بیسنٹ نے کہا کہ اقتصادی پابندیوں اور سخت اقدامات کا مقصد ایرانی حکومت کی پراکسی کارروائیوں کو محدود کرنا اور معاشی دباؤ کے ذریعے اس حکومت کا خاتمہ یقینی بنانا ہے۔ امریکی وزیرِ خزانہ نے یہ بھی خبردار کیا کہ ایران کے ساتھ تجارتی تعلقات قائم رکھنے والے ممالک کو بھی امریکی کارروائیوں کا سامنا کرنا پڑے گا۔