بلوچستان میں دشمن عناصر ریاست اور عوام کے درمیان خلیج پیدا کرنا چاہتے ہیں: فیلڈ مارشل

آرمی چیف جنرل سید عاصم منیر نے بلوچستان کی سیاسی قیادت اور اہم شخصیات سے ملاقات کے دوران گفتگو کرتے ہوئے کہا ہے کہ دشمن عناصر بلوچستان میں عدم استحکام، ترقی کی راہ میں رکاوٹ اور ریاست و عوام کے درمیان خلیج پیدا کرنا چاہتے ہیں۔ پاک فوج کے شعبہ تعلقات عامہ (آئی ایس پی آر) کے مطابق سپہ سالار نے اس بات پر زور دیا کہ بلوچستان اور پاکستان کا حال اور مستقبل ایک ہی ہے اور یہ باصلاحیت، پرعزم اور محب وطن عوام کی سرزمین ہے۔ انہوں نے مزید کہا کہ پائیدار امن و استحکام سے سرمایہ کاری کو فروغ ملے گا اور صوبے کے وسائل عوامی خوشحالی میں بدلیں گے۔ انہوں نے بلوچستان کے نوجوانوں کو ملک کا سب سے متحرک طبقہ قرار دیتے ہوئے انہیں بااختیار بنانے اور قومی ترقی کا حصہ بنانے کو ناگزیر قرار دیا۔