بانی پی ٹی آئی کےعلاج میں کوتاہی ہوئی تو ذمہ دار جیل اور عدلیہ ہو گی: رانا ثناء اللہ

سینیٹ کے اجلاس میں وفاقی وزیر رانا ثناء اللہ نے بانی پی ٹی آئی کی صحت اور علاج سے متعلق اپوزیشن لیڈر کے بیانات کا جواب دیتے ہوئے کہا ہے کہ بانی پی ٹی آئی کی کسٹڈی اس وقت جیل انتظامیہ اور عدلیہ کے پاس ہے، لہٰذا اگر ان کی دیکھ بھال یا علاج میں کسی بھی قسم کی کوتاہی ہوتی ہے تو اس کے ذمہ دار یہی ادارے ہوں گے۔ وفاقی وزیر کا کہنا تھا کہ بانی پی ٹی آئی کو تمام طبی سہولیات بروقت فراہم کی گئی ہیں، جبکہ جیل اور پمز اسپتال میں ان کے مکمل طبی ٹیسٹ بھی کرائے گئے ہیں جن سے وہ خود بھی مطمئن ہیں۔ انہوں نے مزید بتایا کہ ملاقاتوں اور علاج سے متعلق متعدد پٹیشنز اور درخواستیں سپریم کورٹ اور ہائیکورٹ میں زیرِ التوا ہیں۔