یوم آزادی: مسلح افواج کا قائداعظمؒ، تحریک پاکستان کے بانی رہنماؤں کو خراج عقیدت پیش

پاکستان کے 79 ویں یومِ آزادی کے پرمسرت موقع پر مسلح افواج کی جانب سے پوری قوم کو مبارکباد کا پیغام دیا گیا ہے۔ پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر، نیول چیف اور ایئر چیف نے قوم کو مبارکباد پیش کرتے ہوئے قائد اعظم محمد علی جناحؒ، تحریکِ پاکستان کے بانی رہنماؤں اور شہدا کو ان کی عظیم قربانیوں پر خراجِ عقیدت پیش کیا۔ آئی ایس پی آر نے کہا کہ ان کی قربانیوں کی بدولت آزادی کا خواب ایک خود مختار پاکستان کی صورت میں حقیقت بنا۔ پیغام میں پاک فوج کی جانب سے مادرِ وطن کی خودمختاری، علاقائی سالمیت اور آئین کی پاسداری کا اعادہ کیا گیا۔ مسلح افواج کا کہنا تھا کہ پاکستان کی اصل طاقت اس کے عوام کے اتحاد اور اجتماعی عزم میں مضمر ہے، لہٰذا یومِ آزادی پر ایمان، اتحاد اور نظم و ضبط کے اصولوں پر کاربند رہتے ہوئے ملکی سلامتی اور ترقی کے لیے اتحاد و یکجہتی کو فروغ دیا جائے