مکہ دفاعی معاہدے میں مزید ممالک میں بھی شامل ہوں گے: ترک صدر

ترک صدر رجب طیب اردگان نے امید ظاہر کی ہے کہ حال ہی میں ترکیہ، سعودی عرب اور پاکستان کے درمیان طے پانے والے تاریخی اور اہم سہ فریقی دفاعی معاہدے میں آنے والے دنوں میں مزید ممالک بھی شامل ہوں گے۔ عالمی اخبار ‘الشرق الاوسط’ کو دیے گئے ایک انٹرویو میں انہوں نے واضح کیا کہ اس معاہدے کے حوالے سے ان کا ویژن صرف تین ممالک تک محدود نہیں ہے۔

ترک صدر کا کہنا تھا کہ ان کی حکومت کو امید ہے کہ یہ دفاعی معاہدہ مزید وسعت اختیار کرے گا اور شاید ایک دن ایسے حالات اور فضا پیدا ہو جائے کہ خطے کے تمام اہم ممالک اس کے واحد دائرۂ کار میں یکجا ہو کر علاقائی امن و سلامتی کے لیے کام کریں۔ اس سے قبل ترک وزیرِ خارجہ حقان فیدان نے بھی سرکاری خبر رساں ادارے ‘انادولو’ کو دیے گئے بیان میں توقع ظاہر کی تھی کہ اگلے مرحلے میں مصر بھی اس سہ فریقی بلاک میں شامل ہو جائے گا۔

ترک وزیرِ خارجہ کے مطابق مصر کی اس اتحاد میں شمولیت میں صرف چند تکنیکی امور رکاوٹ ہیں جنہیں جلد حل کر لیا جائے گا۔ اگرچہ مصر نے فی الوقت اس معاہدے یا ترک وزیرِ خارجہ کے بیان پر کوئی رسمی ردِ عمل ظاہر نہیں کیا ہے، تاہم حقان فیدان جلد ہی قاہرہ کا اہم دورہ کرنے والے ہیں جہاں ان خدشات اور تکنیکی امور پر مزید پیش رفت کی توقع کی جا رہی ہے۔