اسحاق ڈار سے اردنی وزیر خارجہ کا رابطہ، غزہ کی صورتحال پر شدید تشویش
Web Desk
28 July 2026
نائب وزیراعظم و وزیرِ خارجہ اسحاق ڈار اور اردن کے وزیرِ خارجہ ایمن الصفدی کے درمیان ٹیلی فون پر رابطہ ہوا ہے، جس میں فلسطین کی موجودہ صورتِ حال پر تفصیلی تبادلہ خیال کیا گیا۔ ترجمان دفترِ خارجہ کے مطابق، دونوں رہنماؤں نے گفتگو کے دوران غزہ اور مقبوضہ مغربی کنارے میں جاری اسرائیلی فوجی کارروائیوں اور انسانی حقوق کی خلاف ورزیوں پر شدید تشویش کا اظہار کیا۔
ترجمان نے بتایا کہ دونوں وزرائے خارجہ نے مسجدِ اقصیٰ میں اسرائیلی آبادکاروں کی بار بار دراندازی اور فلسطینی نمازیوں پر عائد کی جانے والی پابندیوں کی سخت الفاظ میں مذمت کی۔ دونوں رہنماؤں نے اس بات پر اتفاق کیا کہ ایسے اشتعال انگیز اقدامات مقدس مقام کے تقدس کی سنگین پامالی، خطے میں کشیدگی کو فروغ دینے اور امن کی تمام تر کوششوں کو ناکام بنانے کا باعث بن رہے ہیں۔
اس گفتگو کے دوران، نائب وزیراعظم اسحاق ڈار اور ایمن الصفدی نے اردن کی جانب سے عرب اور اسلامی ممالک کا ایک ہنگامی اجلاس بلانے کی تجویز پر بھی مشاورت کی۔ اردنی وزیرِ خارجہ نے علاقائی امن و استحکام کے لیے پاکستان کے تعمیری اور مثبت سفارتی کردار کو سراہا۔ دوسری جانب، اسحاق ڈار نے فلسطینی عوام کے جائز اور بنیادی حقوق کے لیے پاکستان کی غیر متزلزل حمایت کا اعادہ کرتے ہوئے، 1967ء سے قبل کی سرحدوں پر مبنی ایک آزاد اور خود مختار فلسطینی ریاست، جس کا دارالحکومت القدس الشریف ہو، کے قیام پر پاکستان کے اصولی مؤقف کو دہرایا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026