LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

پُرتشدد جتھے کے عزائم ناکام بنا دیئے، کشمیر کاز کو نقصان نہیں پہنچنے دینگے: عطا تارڑ

Web Desk

28 July 2026

وفاقی وزیرِ اطلاعات و نشریات عطا تارڑ نے واضح کیا ہے کہ حکومت پاکستان کشمیر کاز کو کبھی نقصان نہیں پہنچنے دے گی اور کسی کو بھی دھونس، دھمکی یا تشدد کے زور پر اپنی مرضی مسلط کرنے کی ہرگز اجازت نہیں دی جائے گی۔ اسلام آباد میں وزیرِ مملکت برائے داخلہ طلال چوہدری کے ہمراہ ایک اہم پریس کانفرنس کرتے ہوئے عطا تارڑ نے کہا کہ آزاد کشمیر کے غیور اور شعور یافتہ عوام نے شرپسند عناصر کے بیانیے کو مکمل طور پر مسترد کر دیا ہے۔ انہوں نے کہا کہ پُرتشدد جتھوں سے آزاد کشمیر کی پیش رفت اور پرامن انتخابی عمل ہضم نہیں ہو رہا، یہی وجہ ہے کہ کالعدم جوائنٹ ایکشن کمیٹی نے کامیاب انتخابات کو متنازع بنانے کی ناکام کوشش کی ہے۔

عطا تارڑ نے پریس کانفرنس کے دوران انکشاف کیا کہ پرتشدد جتھے کے ارکان سے ممنوعہ اور جدید اسلحہ برآمد ہوا ہے، جو اس بات کا ثبوت ہے کہ مقصد امن کی خرابی تھا۔ ان کا کہنا تھا کہ انتخابات میں تمام سیاسی جماعتوں نے جمہوری آزادی کے ساتھ حصہ لیا، جس کی واضح مثال میرپور ڈویژن میں 6 لاکھ سے زائد ووٹوں کا کاسٹ ہونا ہے۔ انہوں نے زور دے کر کہا کہ ان شرپسند عناصر کا مکروہ چہرہ اب دنیا کے سامنے بے نقاب ہو چکا ہے اور حکومتِ پاکستان اس مشکل گھڑی میں آزاد کشمیر کی منتخب حکومت کے ساتھ مضبوطی سے کھڑی ہے۔

اس موقع پر گفتگو کرتے ہوئے وزیرِ مملکت برائے داخلہ طلال چوہدری نے کہا کہ نام نہاد ایکشن کمیٹی کی تحریک حقوق دلانے کی نہیں بلکہ عوام کے بنیادی حقوق چھیننے کی تحریک ہے۔ انہوں نے دعویٰ کیا کہ اس پرتشدد تحریک کو ملکی اور غیر ملکی عناصر کی سرپرستی حاصل ہے اور احتجاج کی آڑ میں صریحاً دہشت گردی کی جا رہی ہے۔ طلال چوہدری نے کہا کہ عوامی یا پرامن احتجاج میں کبھی اسلحہ اور گولی کا استعمال نہیں ہوتا؛ یہ عناصر کشمیری عوام کو ان کے ووٹ کے بنیادی حق سے محروم کرنا چاہتے تھے، لیکن عوام نے اپنے ووٹ کی طاقت سے فیصلہ سنا دیا ہے۔ انہوں نے مزید بتایا کہ ایکشن کمیٹی کے 38 میں سے 37 مطالبات پہلے ہی تسلیم کیے جا چکے ہیں، جس کے بعد یہ احتجاج مکمل طور پر بلاجواز ہو چکا ہے۔