LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

آزاد کشمیر الیکشن، بلاول شکست تسلیم کرکے سپورٹس مین سپرٹ کا مظاہرہ کریں: احسن اقبال

Web Desk

28 July 2026

وفاقی وزیر منصوبہ بندی احسن اقبال نے پاکستان پیپلز پارٹی کے چیئرمین بلاول بھٹو زرداری کو مشورہ دیا ہے کہ وہ آزاد کشمیر انتخابات میں شکست تسلیم کرتے ہوئے اعلیٰ ظرفی اور سپورٹس مین سپرٹ کا مظاہرہ کریں۔ وفاقی وزیر مملکت برائے داخلہ طارق فضل چودھری کے ہمراہ میڈیا سے گفتگو کرتے ہوئے انہوں نے کہا کہ آزاد جموں و کشمیر کے حالیہ انتخابات میں عوام نے مسلم لیگ (ن) کی پنجاب میں کارکردگی پر اعتماد کا اظہار کیا ہے، جبکہ پیپلز پارٹی کی جانب سے دھاندلی کے الزامات بالکل بے بنیاد اور غیر جمہوری رویے کے عکاس ہیں۔

احسن اقبال نے کہا کہ ووٹنگ کے روز رات 9 بجے تک پیپلز پارٹی کی طرف سے کسی قسم کی شکایت درج نہیں کرائی گئی تھی، لیکن جیسے ہی شکست کے اثرات نمایاں ہوئے، بوکھلاہٹ میں الزام تراشی شروع کر دی گئی۔ ان کا کہنا تھا کہ انتخابات میں ہار کے بعد اس طرح کے الزامات لگانا نہ صرف جمہوری قدروں کی خلاف ورزی ہے بلکہ یہ ووٹ دینے والے کشمیری عوام کے فیصلے کی بھی توہین ہے۔ انہوں نے نشاندہی کی کہ گلگت بلتستان میں جیت پر انتخابات کو شفاف اور کشمیر میں شکست پر دھاندلی زدہ قرار دینا تضاد پر مبنی سیاست کو ظاہر کرتا ہے۔

وفاقی وزیر نے بلاول بھٹو کے بیانات کو ’بچگانہ‘ قرار دیتے ہوئے کہا کہ انہیں وزیراعظم شہباز شریف کی جمہوری روایت کی پیروی کرنی چاہیے، جنہوں نے گلگت بلتستان کے انتخابات کے بعد مخالفین کو کھلے دل سے مبارکباد دی تھی۔ احسن اقبال اور طارق فضل چودھری نے میرپور ڈویژن کے عوام کا شکریہ ادا کرتے ہوئے واضح کیا کہ انتخابات مکمل طور پر آزادانہ، شفاف اور پرامن ماحول میں منعقد ہوئے ہیں جن میں عوام نے بلا خوف و خطر اپنے حقِ رائے دہی کا استعمال کیا۔