پاکستان نے نیپال کو شکست دے کر سینٹرل ایشین والی بال چیمپیئن شپ کے سیمی فائنل میں جگہ بنا لی

پاکستان نے سینٹرل ایشین والی بال ایسوسی ایشن چیمپیئن شپ میں اپنی شاندار اور ناقابلِ شکست پیش قدمی برقرار رکھتے ہوئے نیپال کو یکطرفہ مقابلے میں صفر کے مقابلے میں 3 سیٹس سے شکست دے کر سیمی فائنل میں جگہ بنا لی ہے۔ اسلام آباد میں جاری ایونٹ کے گروپ مرحلے کے اس میچ میں قومی ٹیم نے ابتدائی سے ہی کھیل پر مکمل کنٹرول رکھا اور 14-25، 18-25 اور 10-25 کے اسکور سے تینوں سیٹس جیتے۔ پاکستان کی جانب سے یحییٰ نے شاندار کارکردگی دکھاتے ہوئے 14 پوائنٹس حاصل کیے اور فتح میں اہم کردار ادا کیا۔ ایونٹ میں مسلسل تین میچز جیت کر سیمی فائنل میں پہنچنے والی قومی ٹیم کا اگلا مقابلہ ہفتے کے روز ازبکستان کے خلاف ہوگا۔