سکیورٹی خدشات: پیپلز پارٹی کو مینارِ پاکستان پر جلسے کی اجازت نہ مل سکی

ضلعی حکام نے پاکستان پیپلز پارٹی (پی پی پی) کو 25 جولائی کو مینارِ پاکستان پر گرینڈ جلسہ کرنے کی اجازت دینے سے انکار کر دیا ہے۔ ضلعی انتظامیہ کے مطابق یہ فیصلہ ڈسٹرکٹ انٹیلی جنس کمیٹی، پولیس اور پی ایچ اے کی رپورٹس کی روشنی میں سکیورٹی خدشات کے باعث کیا گیا ہے۔ انٹیلی جنس کمیٹی کا اپنی رپورٹ میں کہنا ہے کہ مینارِ پاکستان چونکہ فیملیز کی تفریح کا مقام ہے، اس لیے وہاں سیاسی جلسے کی اجازت دینا مناسب نہیں۔ اس کے علاوہ پی ایچ اے نے بھی جلسے کے لیے 60 لاکھ روپے زرِ ضمانت جمع کرانے کی شرط عائد کی تھی، تاہم ضلعی حکام نے سکیورٹی خدشات کو بنیاد بناتے ہوئے جلسے کی درخواست مسترد کر دی ہے۔