وزیرِ داخلہ سندھ کا شاہراہِ فیصل پر ہنگامہ آرائی کا نوٹس،شرپسندوں کی گرفتاری کا حکم

وزیرِ داخلہ سندھ ضیاء الحسن لنجار نے شاہراہِ فیصل پر ہنگامہ آرائی اور توڑ پھوڑ کے واقعے کا سخت نوٹس لیتے ہوئے ایڈیشنل آئی جی کراچی سے فوری رپورٹ طلب کر لی ہے۔
وزیرِ داخلہ نے ٹیلیفونک رابطے میں واقعے میں ملوث عناصر کے خلاف فوری کارروائی کی ہدایت دیتے ہوئے کہا کہ پولیس گاڑیوں اور شہریوں کی املاک کو نقصان پہنچانے والوں کو ہرگز رعایت نہ دی جائے۔انہوں نے ہدایت کی کہ واقعے میں ملوث افراد کو جلد از جلد گرفتار کیا جائے تاکہ قانون کی عملداری یقینی بنائی جا سکے