سیکرٹری جماعت اسلامی پاکستان امیرالعظیم کی نماز جنازہ ادا کر دی گئی

سیکرٹری جماعت اسلامی پاکستان امیر العظیم کی نمازِ جنازہ لاہور میں جامع مسجد منصورہ میں ادا کر دی گئی۔ نمازِ جنازہ جماعت اسلامی پاکستان کے امیر حافظ نعیم الرحمن نے پڑھائی۔ اس موقع پر سیاسی و مذہبی رہنماؤں، جماعت اسلامی کے مرکزی و صوبائی عہدیداروں، کارکنوں اور مختلف شعبہ ہائے زندگی سے تعلق رکھنے والی اہم شخصیات کی کثیر تعداد نے شرکت کی۔ تمام حاضرین نے مرحوم کی دینی، سیاسی اور ملی خدمات کو خراجِ عقیدت پیش کیا اور ان کی مغفرت کے لیے دعا کی گئی، جس کے بعد ان کے جسدِ خاکی کی تدفین عمل میں لائی گئی۔