LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

آسیان ریجنل فورم: پاکستان علاقائی امن، استحکام اور تعاون کیلئے پُرعزم ہے، اسحاق ڈار

Web Desk

23 July 2026

نائب وزیراعظم اور وزیرِ خارجہ اسحاق ڈار نے 33ویں آسیان ریجنل فورم (ARF) سے خطاب کرتے ہوئے کہا ہے کہ پاکستان علاقائی امن، استحکام اور تعاون کے فروغ کے لیے آسیان کے پلیٹ فارم سے اپنا بھرپور کردار ادا کرنے کے لیے پُرعزم ہے۔ انہوں نے ’منیلا پلان آف ایکشن 2036‘ پر مؤثر عملدرآمد کی پاکستان کی جانب سے مکمل حمایت کا اعادہ بھی کیا۔

نائب وزیراعظم نے اپنے خطاب کے دوران عالمی و علاقائی سیاست، سلامتی اور اقتصادی مسائل پر پاکستان کے موقف کو تفصیل سے پیش کیا کہ اسحاق ڈار نے واضح کیا کہ مسئلہ جموں و کشمیر کا منصفانہ حل ہی جنوبی ایشیا میں پائیدار امن کی بنیاد ہے۔ پاکستان حقِ خودارادیت کی جدوجہد میں کشمیری عوام کی اخلاقی، سفارتی اور سیاسی حمایت جاری رکھے گا اور عالمی برادری کو چاہیے کہ وہ اقوامِ متحدہ کی قراردادوں کے مطابق اس کے پرامن حل کے لیے کردار ادا کرے۔

انہوں نے بھارت کی طرف سے سندھ طاس معاہدے (Indus Waters Treaty) کو معطل کرنے کی کوششوں کو انتہائی تشویشناک اور اشتعال انگیز اقدام قرار دیتے ہوئے خبردار کیا کہ معاہدے سے متعلق کسی بھی قسم کے یکطرفہ اقدامات سے 25 کروڑ پاکستانیوں کے بنیادی مفادات اور پانی کے حقوق متاثر ہو سکتے ہیں۔

نائب وزیراعظم نے بتایا کہ پاکستان نے خلیجی خطے میں امن و استحکام کے لیے متحرک سفارتی کردار ادا کیا ہے اور امریکا اور ایران کے درمیان مذاکراتی عمل میں سہولت کاری فراہم کی ہے۔ غزہ کی صورتحال پر تشویش کا اظہار کرتے ہوئے انہوں نے کہا کہ پاکستان 1967ء سے پہلے کی سرحدوں پر مبنی آزاد اور خودمختار فلسطینی ریاست کے قیام کی حمایت کرتا ہے۔

دہشت گردی کو عالمی امن کے لیے بڑا خطرہ قرار دیتے ہوئے انہوں نے یاد دہانی کرائی کہ پاکستان اس جنگ میں 90 ہزار سے زائد جانوں کی قربانی دے چکا ہے۔ انہوں نے زور دیا کہ افغان سرزمین کو پاکستان کے خلاف دہشت گردی کے لیے استعمال نہیں ہونا چاہیے اور افغانستان میں استحکام سے ہی خطے میں تجارتی روابط کو فروغ ملے گا۔

 انہوں نے پاکستان کی جانب سے ’ون چائنا پالیسی‘ (One China Policy) اور جنوبی بحیرہ چین کے تنازعات کے سفارتی حل کی مکمل حمایت دہرائی۔ انہوں نے موسمیاتی تبدیلی کو ترقی پذیر ممالک کے لیے ایک بڑا چیلنج قرار دیتے ہوئے عالمی برادری سے باہمی تعاون بڑھانے کا مطالبہ کیا۔ نائب وزیراعظم اسحاق ڈار نے اپنے خطاب کے اختتام پر کہا کہ ریاستوں کی خودمختاری، باہمی احترام اور مکالمہ ہی ایک مشترکہ و محفوظ مستقبل کی بنیاد ہیں، اس لیے تمام عالمی فریقین کو صبر و تحمل اور سفارت کاری کا راستہ اختیار کرنا چاہیے۔