LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

وزیراعظم شہباز شریف کی زیرِ صدارت بہبودِ آبادی پر اہم اجلاس، 2035 تک شرحِ نمو 1.25 فیصد تک لانے کا ہدف مقرر

Web Desk

23 July 2026

وزیراعظم محمد شہباز شریف کی زیرِ صدارت ملک میں بہبودِ آبادی سے متعلق ایک اہم جائزہ اجلاس منعقد ہوا، جس میں آبادی میں توازن کو قومی ترقی کی ضمانت قرار دیتے ہوئے آئندہ دہائی کے لیے جامع روڈ میپ اور اہداف پر بریفنگ دی گئی۔

اجلاس سے خطاب کرتے ہوئے وزیراعظم شہباز شریف نے کہا کہ تیزی سے بڑھتی ہوئی آبادی اس وقت ملک کے لیے سب سے بڑا چیلنج بن چکی ہے۔ انہوں نے زور دیا کہ بڑھتی ہوئی آبادی پر قابو پانے کے اقدامات اور بہبودِ آبادی کو قومی فریضہ سمجھا جانا چاہیے کیونکہ آبادی کی درست منصوبہ بندی ہی پائیدار قومی ترقی، معاشی استحکام اور انسانی وسائل کی بہتری سے ہم آہنگ ہے۔ وزیراعظم نے تمام صوبوں کے ساتھ روابط اور ہم آہنگی کو بہتر بنانے، مؤثر عوامی آگہی مہم چلانے اور نیشنل پاپولیشن کونسل کا اجلاس جلد از جلد بلانے کی ہدایت کی۔

کونسل کا اجلاس عنقریب طلب کیا جائے گا جس میں چاروں صوبوں، گلگت بلتستان کے وزراء اعلیٰ، آزاد جموں و کشمیر کے وزیراعظم اور دیگر متعلقہ اسٹیک ہولڈرز شرکت کریں گے تاکہ متفقہ قومی حکمتِ عملی ترتیب دی جا سکے۔ ملک میں آبادی کی بڑھتی رفتار کو لگام دینے کے لیے ‘نیشنل اسٹیبلائزیشن پلان 2026-2035’ تیار کیا جا رہا ہے۔  اس پلان کے تحت پاکستان میں آبادی کے اضافے (پاپولیشن گروتھ ریٹ) کی موجودہ شرح 2.55 فیصد کو کم کر کے 2035ء تک 1.25 فیصد پر لانے کا قومی ہدف طے کیا گیا ہے۔  نئے فریم ورک کے تحت صحت، تعلیم، نوجوانوں کی تربیت، لیبر فورس میں خواتین کی شمولیت اور سماجی تحفظ پر خصوصی توجہ مرکوز کی جائے گی۔ علاوہ ازیں، وفاقی حکومت کی جانب سے سماجی تحفظ کے مختلف اقدامات کو بہبودِ آبادی کی شرائط سے منسلک کرنے پر بھی کام کا آغاز کر دیا گیا ہے۔ اجلاس میں وفاقی وزیرِ منصوبہ بندی احسن اقبال، وفاقی وزیرِ اقتصادی امور احد خان چیمہ، وفاقی وزیرِ قومی صحت سید مصطفیٰ کمال، وفاقی وزیرِ اطلاعات و نشریات عطاء اللہ تارڑ اور دیگر اعلیٰ حکام نے شرکت کی۔