وزیراعظم کا سعودی ولی عہد سے رابطہ، بحیرۂ احمر میں حوثی حملوں کی مذمت
Web Desk
23 July 2026
وزیراعظم شہباز شریف اور سعودی عرب کے ولی عہد و وزیراعظم شہزادہ محمد بن سلمان کے درمیان ٹیلی فون پر اہم رابطہ ہوا ہے، جس میں بحیرۂ احمر (Red Sea) میں سعودی تیل بردار جہازوں پر حوثی ملیشیا کے حملوں کی شدید ترین الفاظ میں مذمت کی گئی۔
گفتگو کے دوران وزیراعظم شہباز شریف نے کہا کہ حوثیوں کے یہ جارحانہ اقدامات مکمل طور پر ناقابلِ قبول ہیں جو بین الاقوامی قوانین کی صریح خلاف ورزی اور عالمی و علاقائی بحری آمد و رفت کی آزادی اور امن و سلامتی کے لیے شدید خطرہ ہیں۔
سعودی عرب کے ساتھ کامل یکجہتی کا اعادہ کرتے ہوئے وزیراعظم نے کہا کہ وہ خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور اپنے برادر سعودی عوام کے ساتھ سیسہ پلائی دیوار کی طرح کھڑے ہیں۔
رابطے کے دوران دونوں رہنماؤں نے خطے میں امن، سلامتی اور استحکام کی بحالی کے لیے باہمی و قریبی تعاون کو مزید مضبوط بنانے پر اتفاق کیا۔ اس کے علاوہ وزیراعظم شہباز شریف اور شہزادہ محمد بن سلمان نے بحیرۂ احمر اور آبنائے ہرمز سمیت اہم عالمی سمندری شاہراہوں پر قانونی بحری تجارت اور سپلائی چین کی بلا تعطل روانی کو یقینی بنانے کے لیے مل کر کام کرنے کا اعادہ کیا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026