پٹرول مزید 6 روپے 39 پیسے، ڈیزل 7 روپے 83 پیسے مہنگا، نوٹیفکیشن جاری

حکومتِ پاکستان نے ملک بھر کے لیے پیٹرولیم مصنوعات کی نئی قیمتوں کا باضابطہ اعلان کر دیا ہے۔ پیٹرولیم ڈویژن کی جانب سے جاری کردہ نوٹیفکیشن کے مطابق اوگرا کی تجاویز کی روشنی میں پیٹرول اور ڈیزل کی قیمتوں میں یکلخت اضافہ کر دیا گیا ہے۔

نوٹیفکیشن کے تحت پیٹرول کی قیمت میں 6 روپے 39 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 327 روپے 12 پیسے فی لیٹر مقرر ہو گئی ہے۔ اسی طرح ہائی اسپیڈ ڈیزل کی قیمت میں 7 روپے 83 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 375 روپے 4 پیسے فی لیٹر کی سطح پر پہنچ گئی ہے۔

پیٹرولیم ڈویژن کے مطابق پیٹرول اور ڈیزل کی نئی قیمتوں کا تعین ا آئل اینڈ گیس ریگولیٹری اتھارٹی (اوگرا) کی سفارشات پر کیا گیا ہے۔ نوٹیفکیشن میں وضاحت کی گئی ہے کہ نئی طے شدہ قیمتیں آج رات 12 بجے سے کل رات 12 بجے تک نافذ العمل رہیں گی۔