جماعت اسلامی کے سیکرٹری جنرل امیرالعظیم انتقال کرگئے
Web Desk
22 July 2026
جماعت اسلامی پاکستان کے سیکرٹری جنرل امیر العظیم طویل عرصے بیماری کا مقابلہ کرنے کے بعد انتقال کر گئے۔ ترجمان جماعت اسلامی کی جانب سے ان کی وفات کی تصدیق کرتے ہوئے بتایا گیا ہے کہ وہ کینسر کے موذی مرض میں مبتلا تھے۔ ترجمان کے مطابق مرحوم کی نمازِ جنازہ کل شام 5 بجے منصورہ، لاہور میں ادا کی جائے گی۔
امیر العظیم 1958ء میں لاہور میں پیدا ہوئے اور انہوں نے پنجاب یونیورسٹی سے ایم بی اے (MBA) کی ڈگری حاصل کی۔ وہ طویل عرصے تک طالب علم رہنما اور سیاست میں متحرک رہے۔ اپنے دورِ طالب علمی میں وہ پنجاب یونیورسٹی اسٹوڈنٹس یونین کے منتخب صدر رہے اور انہوں نے اسلامی جمعیت طلبہ کے ناظمِ اعلیٰ کی حیثیت سے بھی ذمہ داریاں انجام دیں۔ جنرل ضیاء الحق کے دورِ حکومت میں انہوں نے طلبہ یونینز کی بحالی کے لیے جدوجہد کی اور لانگ مارچ کی قیادت کے دوران جیل کی صعوبتیں بھی برداشت کیں۔
عملی سیاست میں امیر العظیم نے جماعت اسلامی کے مرکزی سیکرٹری اطلاعات کے طور پر ایک طویل عرصہ خدمات انجام دیں۔ ان کی تنظیمی صلاحیتوں کو دیکھتے ہوئے 2019ء میں سابق امیرِ جماعت اسلامی سراج الحق اور 2024ء میں موجودہ امیر حافظ نعیم الرحمان نے مرکزی مجلسِ شوریٰ کی مشاورت سے انہیں پارٹی کا مرکزی سیکرٹری جنرل مقرر کیا تھا۔ ان کے انتقال پر پارٹی رہنماؤں اور سیاسی و مذہبی حلقوں کی جانب سے گہرے دکھ اور تعزیت کا اظہار کیا جا رہا ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026