بلوچستان کے ضلع قلات میں فورسز کا آپریشن، بھارتی حمایت یافتہ 12 دہشتگرد ہلاک

سیکیورٹی فورسز نے 6 دسمبر کو بلوچستان کے ضلع قلات میں خفیہ اطلاعات کی بنیاد پر آپریشن کیا جہاں بھارتی سرپرستی میں کام کرنے والے دہشت گردوں کی موجودگی کی اطلاع تھی۔
ترجمان کے مطابق فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 12 بھارتی سرپرست دہشت گرد ہلاک ہوگئے۔
آپریشن کے دوران دہشت گردوں کے قبضے سے اسلحہ، بارودی مواد اور گولہ بارود بھی برآمد کر لیا گیا۔ آئی ایس پی آر کے مطابق یہ دہشت گرد علاقے میں مختلف تخریبی کارروائیوں میں ملوث تھے۔
بیان میں مزید کہا گیا ہے کہ علاقے کو محفوظ بنانے کے لیے سرچ اور صفائی کا عمل جاری ہے۔
آئی ایس پی آر کے مطابق سیکیورٹی فورسز اور قانون نافذ کرنے والے ادارے ’’عزمِ استحکام‘‘ کے ویژن کے تحت ملک میں غیر ملکی پشت پناہی سے چلنے والی دہشت گردی کے مکمل خاتمے کے عزم پر کاربند ہیں اور انسدادِ دہشت گردی کی کارروائیاں بھرپور رفتار سے جاری رہیں گی