فضل الرحمٰن جھکنے یا سرینڈر کرنے کے لیے پیدا نہیں ہوا، معافی پروپیگنڈا کرنے والے مانگیں؛ مولانا فضل الرحمٰن
Web Desk
19 July 2026
جمعیت علمائے اسلام کے سربراہ مولانا فضل الرحمٰن نے ایک سخت اور تاریخی خطاب میں مقتدر حلقوں اور مخالفین کو آڑے ہاتھوں لیتے ہوئے واضح کیا ہے کہ فضل الرحمٰن جھکنے یا سرینڈر کرنے کے لیے پیدا نہیں ہوا۔ انہوں نے اپنے خلاف چلائی جانے والی حالیہ مہم پر شدید ردعمل دیتے ہوئے کہا کہ ان کے مؤقف کو توڑ مروڑ کر پیش کیا جا رہا ہے اور معافی کا مطالبہ مجھ سے نہیں بلکہ اس فوجی افسر، جنرل یا دفتر سے ہونا چاہیے جس نے میری جماعت کے خلاف جھوٹا پروپیگنڈا کروایا۔ مولانا فضل الرحمٰن نے انتہائی جذباتی انداز میں اپنے رفقا اور علمائے کرام کی قربانیوں کا ذکر کرتے ہوئے کہا کہ ان کے استاد مولانا حسن جان، مولانا نور محمد اور مولانا میاں اجن الدین سمیت ہزاروں کارکنان دہشت گردی کا نشانہ بنے، انہوں نے باجوڑ کے ایک ہی جلسے کے بعد 100 جنازے اٹھائے ہیں اور وہ روزانہ پختونخوا اور بلوچستان میں اپنے شہداء کے جنازے پڑھا رہے ہیں۔ انہوں نے گلہ کیا کہ “میں تو فوج اور قوم کے ہر جنازے پر ساتھ رویا ہوں، لیکن کیا کبھی تم میرے شہداء کے جنازوں پر ہمارے ساتھ روئے ہو؟”
سربراہ جے یو آئی نے ماضی کے سیاسی کردار پر روشنی ڈالتے ہوئے کہا کہ وہ 1988، 1993 اور 1997 میں جب بھی اسمبلی میں آئے، اپوزیشن کا حصہ رہے اور انہوں نے ہمیشہ کسی حکومت کی خواہش کے بجائے اپنے اصولوں کی سیاست کی۔ انہوں نے ماضی میں اسٹیبلشمنٹ کی ایک اہم شخصیت سے ہونے والی ملاقات کا احوال بتاتے ہوئے کہا کہ میں نے اس وقت بھی صاف کہا تھا کہ اللہ سب کچھ دیکھ رہا ہے، اگر مجھ پر ڈیزل پرمٹ، کارخانوں یا دبئی میں ہوٹلوں کے الزامات سچے ہیں تو کوئی ثبوت سامنے لایا جائے۔ انہوں نے واضح کیا کہ ان کا اختلاف اداروں سے نہیں بلکہ ان کی پالیسیوں سے ہے، کیونکہ سپاہی تو حکم کا پابند ہوتا ہے لیکن اصل ذمہ داری پالیسی سازوں کی ہوتی ہے۔ انہوں نے اس عزم کا اعادہ کیا کہ وہ دباؤ میں آکر اپنے مؤقف سے دستبردار نہیں ہوں گے اور آئین، اعتدال اور قانون کی بالادستی کے لیے ان کی جمہوری جدوجہد جاری رہے گی۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026