بائنانس قیادت کا پاکستان کا دورہ، وزیراعظم و آرمی چیف سے اہم ملاقاتیں
Web Desk
6 December 2025
اسلام آباد: بائنانس کی سینئر لیڈرشپ نے پاکستان کا اہم دورہ کرتے ہوئے ڈیجیٹل اثاثہ جات کے ضابطوں کے حوالے سے اعلیٰ حکومتی قیادت سے ملاقاتیں کیں، جہاں حکومتِ پاکستان نے کرپٹو اور ورچوول اثاثہ جات کے شعبے میں مضبوط ریگولیٹری فریم ورک کے قیام کے عزم کا اعادہ کیا۔
تفصیلات کے مطابق بائنانس کے گلوبل سی ای او رچرڈ ٹینگ سمیت کمپنی کی اعلیٰ قیادت اسلام آباد پہنچی اور وزیراعظم پاکستان محمد شہباز شریف، چیف آف ڈیفنس فورسز اور چیف آف آرمی اسٹاف فیلڈ مارشل سید عاصم منیر سے اہم ملاقاتیں کیں۔
اجلاس میں ڈیجیٹل فنانس، کرپٹو ایکو سسٹم، سائبر سکیورٹی، مالیاتی ٹیکنالوجی کے مواقع اور پاکستان میں جدید ڈیجیٹل انفراسٹرکچر کی ضرورت پر تفصیلی تبادلۂ خیال کیا گیا۔
اس موقع پر چیئرمین پاکستان ورچوول ایسٹ ریگولیٹری اتھارٹی (PVARA) بلال بن ثاقب نے بھی شرکت کی اور ریگولیٹری اتھارٹی کی کارکردگی سمیت ڈیجیٹل اثاثہ جات سے متعلق جاری اقدامات پر اجلاس کو بریفنگ دی۔
حکومتی ذرائع کے مطابق پاکستان کا مقصد عالمی معیارات کے مطابق ایک مضبوط، محفوظ اور شفاف نظام تشکیل دینا ہے، جس سے نہ صرف سرمایہ کاری میں اضافہ ہوگا بلکہ جدید مالیاتی ٹیکنالوجی کے فروغ میں بھی مدد ملے گی۔
بائنانس کی اعلیٰ قیادت نے پاکستان کی جانب سے ڈیجیٹل معاشی اصلاحات کے عزم کو سراہا اور فنانشل ٹیکنالوجی کے میدان میں مزید تعاون کی یقین دہانی کرائی۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026