پاکستان کی سوڈان میں جاری جنگی مظالم کی شدید مذمت، جنگی جرائم پر احتساب کا مطالبہ
Web Desk
17 July 2026
پاکستان نے اقوامِ متحدہ کی سلامتی کونسل میں سوڈان میں جاری جنگ کے دوران ڈھائے جانے والے مظالم پر شدید تشویش کا اظہار کرتے ہوئے ان کی سخت مذمت کی ہے۔ اقوامِ متحدہ میں پاکستانی مندوب گل قیصر سروانی نے سوڈان کے دارفور خطے میں بین الاقوامی فوجداری عدالت (آئی سی سی) کی تحقیقات پر غور کے لیے منعقدہ سلامتی کونسل کے اجلاس سے خطاب کیا۔ انہوں نے سوڈان کی ریپڈ سپورٹ فورسز (آر ایس ایف) سے مطالبہ کیا کہ وہ شہریوں پر حملے فوری طور پر بند کرے اور بین الاقوامی انسانی قانون کی مکمل پاسداری کرے۔ گل قیصر سروانی نے دارفور میں آر ایس ایف کی جانب سے شہریوں پر حملوں، نسلی بنیادوں پر قتلِ عام، جنسی تشدد، جبری بے دخلی، غیر قانونی حراست اور شہری تنصیبات کو نشانہ بنانے کے اقدامات کی سخت مذمت کی۔
اجلاس کے دوران بین الاقوامی فوجداری عدالت (آئی سی سی) کی ڈپٹی پراسیکیوٹر نزہت خان نے سلامتی کونسل کو بریفنگ دیتے ہوئے بتایا کہ ان کے دفتر نے حالیہ مہینوں میں دارفور میں ہونے والے جرائم کی تحقیقات میں نمایاں پیش رفت کی ہے اور اہم گواہوں کے بیانات کی مدد سے سنگین جرائم کو براہ راست مبینہ ذمہ دار افراد سے جوڑنے میں مدد ملی ہے۔ یہ اجلاس ایک ایسے وقت میں منعقد ہوا جب آئی سی سی کو شدید سفارتی دباؤ کا سامنا ہے، اور حال ہی میں امریکی وزیر خارجہ مارکو روبیو نے عدالت کو ختم کرنے کے لیے مہم شروع کرنے کی بات کی ہے۔
پاکستانی مندوب نے اپنے خطاب میں اکتوبر 2025ء میں طویل محاصرے کے بعد سوڈانی شہر الفاشر کے سقوط اور اس کے بعد سامنے آنے والے جرائم کا حوالہ دیتے ہوئے کہا کہ الجنینہ، الفاشر اور دارفور کے دیگر علاقوں میں ہونے والے جرائم میں ملوث افراد کو لازماً سزا ملنی چاہیے۔ انہوں نے العبید شہر پر آر ایس ایف کے ممکنہ حملے کی اطلاعات پر گہری تشویش کا اظہار کرتے ہوئے خبردار کیا کہ ایسی کارروائی سے سنگین بین الاقوامی جرائم کا خطرہ بڑھ سکتا ہے۔ گل قیصر سروانی نے بروقت اور جامع احتساب پر زور دیتے ہوئے کہا کہ نہ صرف جرائم کے براہ راست ذمہ دار بلکہ ان کی مالی معاونت اور سہولت کاری کرنے والوں کو بھی جوابدہ ٹھہرایا جائے۔ انہوں نے سوڈان کی خودمختاری، اتحاد اور علاقائی سالمیت کے لیے پاکستان کی غیر متزلزل حمایت کا اعادہ کرتے ہوئے ملکی عدالتی اداروں کو مضبوط بنانے پر زور دیا۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026