کیا اب ایم اے پاس افراد سوئیپر بنیں گے؟ آئینی عدالت کے ریمارکس
Web Desk
16 July 2026
وفاقی آئینی عدالت نے خیبرپختونخوا میں ایم اے (MA) پاس تعلیمی قابلیت رکھنے والے شخص کو سوئیپر (خاکروپ) کی ملازمت دینے سے متعلق کیس میں پشاور ہائیکورٹ کا فیصلہ برقرار رکھتے ہوئے صوبائی حکومت کی اپیل خارج کر دی ہے۔ جسٹس حسن اظہر رضوی کی سربراہی میں قائم 3 رکنی بینچ نے کیس کی سماعت کے دوران ملکی تعلیمی و ملازمت کے نظام پر سخت ریمارکس دیے۔ جسٹس حسن اظہر رضوی نے برہمی کا اظہار کرتے ہوئے کہا کہ “کیا اب ایم اے پاس کرنے والا شخص جھاڑو لگائے گا؟ کسی کو اس بات پر شرم نہیں آتی؟ ایسے نظام کو تو شاباش دینی چاہیے جہاں پڑھا لکھا نوجوان خاکروپ کی نوکری کرنے پر مجبور ہے، جو کہ ایک قومی المیہ ہے”۔ عدالت نے مؤقف اختیار کیا کہ چونکہ متعلقہ ملازم گزشتہ 10 سال سے ڈیوٹی انجام دے رہا ہے، اس لیے اب اسے نوکری سے برطرف کرنا ناانصافی ہوگی، تاہم حکومت کو چاہیے کہ اسے اس کی تعلیمی قابلیت کے مطابق کسی دوسری مناسب جگہ ایڈجسٹ کرے۔ دورانِ سماعت جب ایڈیشنل ایڈووکیٹ جنرل نے صوبے میں اسامیوں کی عدم موجودگی کا عذر پیش کیا تو عدالت نے سخت ریمارکس دیتے ہوئے پوچھا کہ “کیا خیبرپختونخوا اتنا صاف ستھرا ہو گیا ہے کہ وہاں اب سوئیپر کی ضرورت ہی نہیں رہی؟”۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026