نجی ہاؤسنگ سوسائٹیوں کی سہولتی اراضی کا استعمال تبدیل کرنے پر پابندی
Web Desk
16 July 2026
لاہور ہائیکورٹ نے ایک اہم اور تاریخی فیصلے میں نجی ہاؤسنگ سوسائٹیوں میں اسکولوں، پارکوں، مساجد اور دیگر عوامی سہولیات کے لیے مختص اراضی کو کمرشل یا رہائشی مقاصد کے لیے استعمال کرنے پر مکمل پابندی عائد کر دی ہے۔ جسٹس راحیل کامران شیخ نے کوآپریٹو ہاؤسنگ سوسائٹی “ایگرریکس” کی آئینی درخواست پر 23 صفحات پر مشتمل تفصیلی تحریری فیصلہ جاری کرتے ہوئے قرار دیا کہ سہولتی اراضی دراصل عوامی امانت ہے، اور ایل ڈی اے بھی اسے اپنی من مانی سے کسی دوسرے مقصد کے لیے استعمال کرنے کا مجاز نہیں۔ عدالت نے ایل ڈی اے کو ہدایت کی کہ سوسائٹی میں اسکول کے لیے مختص اراضی کو تین ماہ کے اندر قانون کے مطابق الاٹ، لیز یا نیلام کیا جائے تاکہ وہاں صرف اسکول قائم ہو سکے۔ عدالت نے ریمارکس دیے کہ 30 برس گزرنے کے باوجود اسکول کی سہولت فراہم نہ ہونا شہریوں کے بنیادی حقوق کی سنگین خلاف ورزی ہے۔ عدالت عالیہ نے کوآپریٹو سوسائٹیز کو ایل ڈی اے قوانین کا پابند قرار دیتے ہوئے ایل ڈی اے ایکٹ کی دفعہ 13(6) اور پرائیویٹ ہاؤسنگ اسکیم رولز 2014 کو آئین کے مطابق قرار دیا، تاہم واضح کیا کہ ایل ڈی اے کی جانب سے سہولتی اراضی کا اصل مقصد کے برعکس استعمال مستقبل میں عدالت میں چیلنج کیا جا سکتا ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026