بھارتی میڈیا مولانا فضل الرحمان کے بیان کو پاکستان کیخلاف استعمال کر رہا ہے،طارق فضل چوہدری
Web Desk
16 July 2026
وفاقی وزیر برائے پارلیمانی امور ڈاکٹر طارق فضل چوہدری نے کہا ہے کہ بھارتی میڈیا جمیعت علمائے اسلام (ف) کے سربراہ مولانا فضل الرحمان کے حالیہ بیان کو پاکستان کے خلاف ہتھیار کے طور پر استعمال کر رہا ہے۔ سماجی رابطے کی ویب سائٹ ‘ایکس’ (سابقہ ٹویٹر) پر جاری اپنے ایک بیان میں وفاقی وزیر نے واضح کیا کہ جمہوریت میں اختلافِ رائے کا ہونا ایک حسن ہے، لیکن جب بات قومی سلامتی کی ہو تو اس پر کسی قسم کا کوئی سمجھوتہ نہیں کیا جا سکتا۔ انہوں نے تشویش کا اظہار کرتے ہوئے کہا کہ مولانا فضل الرحمان کے بیان کو بنیاد بنا کر مسلح افواج اور ملک کے لیے جانیں قربان کرنے والے شہداء کے خلاف منفی پروپیگنڈا کیا جا رہا ہے، اور ایسے غیر محتاط بیانات دشمن کے میڈیا کو پاکستان مخالف بیانیے کو فروغ دینے کے لیے مفت مواد فراہم کرتے ہیں۔
ڈاکٹر طارق فضل چوہدری نے وطنِ عزیز کے دفاع کے لیے سکیورٹی اداروں کی خدمات کو سراہتے ہوئے مزید کہا کہ ہمارے شہداء اور سرحدوں پر دن رات ڈٹے رہنے والے جوان پوری قوم کا فخر ہیں، اس لیے وطن کے ان محافظوں اور شہداء کی لازوال قربانیوں کو سیاسی اختلافات کی نذر بالکل نہیں کیا جانا چاہیے۔ وفاقی وزیر نے تمام سیاسی رہنماؤں پر زور دیا کہ شہداء کے احترام اور دفاعِ وطن جیسے حساس معاملات پر ایسا کوئی مؤقف اختیار نہ کیا جائے جس سے ملکی وقار کو ٹھیس پہنچے یا براہِ راست دشمن ممالک کو فائدہ حاصل ہو۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026