مراکش کے امریکی صدر کے حمایت یافتہ غزہ بورڈ آف پیس کے معاہدے پر دستخط

مراکش نے غزہ میں جاری بحران کے حل اور امن کے مستقل قیام کے لیے ایک بڑا سفارتی اور عسکری فیصلہ کرتے ہوئے امریکی صدر ڈونلڈ ٹرمپ کی سرپرستی میں کام کرنے والے ’غزہ بورڈ آف پیس‘ کے ساتھ ایک باضابطہ معاہدے پر دستخط کر دیے ہیں۔ اس اہم معاہدے کے تحت مراکش غزہ میں تعینات کی جانے والی بین الاقوامی اسٹیبلائزیشن فورس (International Stabilization Force) میں شامل ہونے کے لیے اپنی افواج بھیجے گا۔

مراکش کی سرکاری خبر رساں ایجنسی ’ایم اے پی‘ (MAP) کے مطابق، یہ معاہدہ خطے میں دیرپا امن، استحکام اور سیکیورٹی کے قیام کے لیے انسانی ہمدردی اور عسکری شعبوں میں عملی اقدامات کے ذریعے دونوں اطراف کے مشترکہ عزم کی عکاسی کرتا ہے۔ اس تاریخی معاہدے پر دستخط کی باضابطہ تقریب میں مراکش کے وزیر خارجہ ناصر بوریطہ اور غزہ کے لیے امریکی بورڈ آف پیس کے خصوصی ایلچی نکولائے ملادینوف نے شرکت کی اور دستاویزات کا تبادلہ کیا۔ اس اقدام کو ٹرمپ انتظامیہ کی مشرقِ وسطیٰ میں نئی سیکیورٹی حکمتِ عملی کی ایک بڑی کامیابی قرار دیا جا رہا ہے