ماجد ستی قتل کیس، عدالت نے فرخ کھوکھر کو عمر قید کی سزا سنا دی
Web Desk
14 July 2026
راولپنڈی کی عدالت نے تحریکِ انصاف (PTI) کے مقامی رہنما ماجد ستی کے قتل کا جرم ثابت ہونے پر مرکزی ملزم فرخ کھوکھر سمیت تین مجرمان کو عمر قید کی سزا سنا دی ہے۔ ایڈیشنل ڈسٹرکٹ اینڈ سیشن جج افشا اعجاز صوفی نے تاریخی کیس کا فیصلہ سناتے ہوئے فرخ کھوکھر اور ان کے شریکِ کار دو مجرمان کو عمر قید کی سزا سنائی، جبکہ ایک نامزد ملزم وسیم کو عدم ثبوت کی بنیاد پر بری کر دیا۔ مقتول ماجد ستی کو 23 اگست 2022 کو تھانہ صادق آباد کی حدود میں پلاٹ پر قبضے کی کوشش روکنے پر بیدردی سے قتل کیا گیا تھا۔ سزا سنائے جانے کے بعد ضمانت پر موجود فرخ کھوکھر کو کمرہ عدالت سے ہی سخت ترین سکیورٹی حصار میں گرفتار کر کے اڈیالہ جیل منتقل کر دیا گیا۔ اس موقع پر جوڈیشل کمپلیکس میں مقتول کے ورثا اور مجرمان کے حامیوں کی بڑی تعداد کی موجودگی کے باعث امن و امان کی صورتحال برقرار رکھنے کے لیے سکیورٹی کے غیر معمولی انتظامات کیے گئے تھے۔ واضح رہے کہ مجرم فرخ کھوکھر حال ہی میں پیپلز پارٹی سے مستعفی ہو کر جمعیت علمائے اسلام (JUI) میں شامل ہوئے تھے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026
پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار
16 November 2026
پنجاب دھی رانی پروگرام، ساہیوال میں 89 جوڑوں کی اجتماعی شادیوں کی تقریب
16 November 2026