LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جنگ کے خاتمے اور لبنان کی خود مختاری یقینی بنائے بغیر امن ممکن نہیں: باقر قالیباف عالمی منڈی میں خام تیل کی قیمتوں میں مجموعی طور پر کمی اور اتار چڑھاؤ کا رجحان برقرار ایرانی فوج کا آبنائے ہرمز میں امریکی MQ-1 ڈرون مار گرانے کا دعویٰ یوکرینی صدر زیلنسکی کا امریکی اور یورپی نمائندوں سے نئے مذاکرات کا انکشاف حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم

وزیراعظم سے سیکرٹری جنرل مسلم ورلڈ لیگ کی ملاقات، مسلم دنیا کے مسائل پر تبادلہ خیال

Web Desk

13 July 2026

وزیراعظم محمد شہباز شریف سے مسلم ورلڈ لیگ (رابطہ عالم اسلامی) کے سیکرٹری جنرل شیخ ڈاکٹر محمد بن عبدالکریم العیسیٰ نے ایک اہم ملاقات کی ہے۔ وزیراعظم ہاؤس میں ہونے والی اس ملاقات میں نائب وزیراعظم و وزیر خارجہ سینیٹر محمد اسحاق ڈار، سیکرٹری خارجہ آمنہ بلوچ اور پاکستان میں سعودی عرب کے سفیر نواف سعید المالکی بھی موجود تھے۔ ملاقات کے دوران باہمی دلچسپی کے امور، امتِ مسلمہ کو درپیش چیلنجز اور دوطرفہ تعاون کو مزید مستحکم کرنے پر تفصیلی گفتگو کی گئی۔ وزیراعظم نے خواتین سے متعلق او آئی سی (OIC) وزارتی کانفرنس میں شرکت کے لیے پاکستان آمد پر معزز مہمان کا پرتپاک خیرمقدم کیا اور مسلم ورلڈ لیگ کے عالمی اقدامات کے لیے پاکستان کی مسلسل اور غیر متزلزل حمایت کا اعادہ کیا۔

وزیراعظم شہباز شریف نے مسلم ورلڈ لیگ کی جانب سے دنیا بھر میں تعلیم کے فروغ، بین المذاہب مکالمے (Interfaith Dialogue) اور انتہا پسندی سمیت اسلامو فوبیا کے تدارک کے لیے کیے جانے والے اقدامات پر گہرے اطمینان کا اظہار کیا۔ اس موقع پر وزیراعظم نے خادم حرمین شریفین شاہ سلمان بن عبدالعزیز آل سعود اور سعودی ولی عہد و وزیراعظم شہزادہ محمد بن سلمان بن عبدالعزیز آل سعود کے لیے احترام اور نیک خواہشات کا خصوصی پیغام بھی پہنچایا۔ دوسری جانب، شیخ ڈاکٹر محمد بن عبدالکریم العیسیٰ نے شاندار مہمان نوازی پر وزیراعظم پاکستان کا شکریہ ادا کیا اور خطے میں امن و استحکام کی حالیہ کوششوں میں وزیراعظم شہباز شریف کے کلیدی کردار کی تعریف کی۔ انہوں نے نائب وزیراعظم اسحاق ڈار اور چیف آف آرمی اسٹاف فیلڈ مارشل سید عاصم منیر کی خدمات کو بھی خصوصی طور پر سراہا۔