سابق امیر کا انتقال، وزیر اعظم شہباز شریف آج قطر جائیں گے

وزیراعظم محمد شہباز شریف ریاستِ قطر کے سابق امیر شیخ حمد بن خلیفہ الثانی کی رحلت پر قطری قیادت سے دلی رنج اور افسوس کا اظہار کرنے کے لیے آج قطر کا دورہ کریں گے۔

حکومتی ذرائع کے مطابق، وزیراعظم اپنے اس دورے کے دوران قطر کے موجودہ امیر شیخ تمیم بن حمد آل ثانی سے خصوصی ملاقات کریں گے اور سابق امیر کے انتقال پر حکومتِ پاکستان اور پاکستانی عوام کی جانب سے تعزیت پیش کریں گے۔ ذرائع کا مزید کہنا ہے کہ نائب وزیراعظم و وزیر خارجہ سینیٹر محمد اسحاق ڈار اور دیگر اعلیٰ حکومتی شخصیات بھی وزیراعظم کے ہمراہ اس دورے پر روانہ ہو رہی ہیں، تاکہ غم کی اس گھڑی میں برادر ملک قطر کے ساتھ مکمل یکجہتی کا اظہار کیا جا سکے۔