LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
جنگ کے خاتمے اور لبنان کی خود مختاری یقینی بنائے بغیر امن ممکن نہیں: باقر قالیباف عالمی منڈی میں خام تیل کی قیمتوں میں مجموعی طور پر کمی اور اتار چڑھاؤ کا رجحان برقرار ایرانی فوج کا آبنائے ہرمز میں امریکی MQ-1 ڈرون مار گرانے کا دعویٰ یوکرینی صدر زیلنسکی کا امریکی اور یورپی نمائندوں سے نئے مذاکرات کا انکشاف حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم

شیخ حمد بن خلیفہ نے قطر کی خوشحالی میں تاریخی کردار ادا کیا: صدر، وزیراعظم

Web Desk

12 July 2026

ریاستِ قطر کے سابق امیر اور موجودہ امیرِ قطر شیخ تمیم بن حمد الثانی کے والد، شیخ حمد بن خلیفہ الثانی انتقال کر گئے ہیں۔ قطر کے امیری دیوان کی جانب سے سابق امیر کی رحلت کا باضابطہ اعلان کیا گیا ہے۔ اس افسوسناک خبر پر پاکستان کی اعلیٰ قیادت بشمول صدرِ مملکت آصف علی زرداری، وزیراعظم محمد شہباز شریف اور نائب وزیراعظم و وزیر خارجہ اسحاق ڈار نے گہرے دکھ اور رنج کا اظہار کیا ہے۔

صدر آصف علی زرداری نے امیرِ قطر شیخ تمیم بن حمد الثانی کے نام اپنے تعزیتی پیغام میں قطری حکومت اور عوام سے دلی تعزیت کی ہے۔ انہوں نے سابق امیر کو خراجِ عقیدت پیش کرتے ہوئے ان کے درجات کی بلندی کے لیے دعائے مغفرت کی۔

وزیراعظم شہباز شریف نے اپنے پیغام میں شیخ حمد بن خلیفہ الثانی کو ایک عظیم رہنما اور مدبر سیاست دان قرار دیتے ہوئے کہا کہ انہوں نے قطر کو ایک جدید اور خوشحال ریاست بنانے میں تاریخی کردار ادا کیا۔ وزیراعظم نے کہا کہ غم کی اس گھڑی میں پاکستان قطری عوام اور الثانی خاندان کے ساتھ مکمل یکجہتی کے ساتھ کھڑا ہے، اور مرحوم شیخ حمد بن خلیفہ کی پاکستان کے ساتھ محبت اور خلوص کو ہمیشہ یاد رکھا جائے گا۔

نائب وزیراعظم اسحاق ڈار نے بھی سابق امیر کی رحلت پر گہرے رنج کا اظہار کرتے ہوئے کہا کہ مرحوم کی دور اندیش قیادت اور خطے میں امن کے لیے خدمات ناقابلِ فراموش ہیں۔ انہوں نے مزید کہا کہ شیخ حمد نے اپنے دورِ حکومت میں پاکستان اور قطر کے برادرانہ تعلقات کو مزید مضبوط بنانے میں کلیدی خدمات انجام دیں۔