پی آئی اے پرواز میں فنی خرابی، کراچی ایئرپورٹ پر ہنگامی لینڈنگ

کراچی سے سکھر جانے والی پی آئی اے کی پرواز پی کے 536 اڑان بھرنے کے صرف 17 منٹ بعد فنی خرابی کا شکار ہوگئی جس کے بعد کپتان نے فوری طور پر ایئر ٹریفک کنٹرول سے رابطہ کرتے ہوئے ہنگامی لینڈنگ کی اجازت طلب کی۔

اے ٹی آر طیارے کو مکمل احتیاطی اقدامات کے ساتھ بحفاظت کراچی ایئرپورٹ پر اتار لیا گیا۔ طیارے میں سندھ حکومت کے وزراء سمیت متعدد مسافر سوار تھے، جنہیں فوری طور پر صورتحال سے آگاہ کر دیا گیا۔

پی آئی اے حکام کے مطابق طیارے کا مکمل معائنہ اور مرمت کے بعد آئندہ آپریشن سے متعلق فیصلہ کیا جائے گا، جب کہ فی الحال پی کے 536 کی پرواز منسوخ کر دی گئی ہے۔