اسرائیل کا جنوبی لبنان کے قصبے پر ڈرون حملہ، ایک شخص جاں بحق

جنوبی لبنان کے قصبے کفر رمان میں اسرائیلی ڈرون حملے کے نتیجے میں ایک شخص جاں بحق جبکہ ایک اور شدید زخمی ہو گیا ہے۔ لبنانی سرکاری خبر رساں ادارے ‘نیشنل نیوز ایجنسی’ (NNA) کے مطابق، اسرائیلی ڈرون نے کفر رمان کی دوحہ روڈ پر ایک گاڑی کو نشانہ بناتے ہوئے خطرناک ‘ڈبل ٹیپ’ حملہ کیا، جس کی زد میں آ کر موٹرسائیکل پر سوار ایک شخص موقع پر ہی جاں بحق ہو گیا۔ اس حملے کے باعث قریب سے گزرنے والی ایک اور گاڑی میں سوار شہری بھی شدید زخمی ہوا، جسے ریسکیو اہلکاروں نے فوری طور پر طبی امداد کے لیے صیدا کے قریبی اسپتال منتقل کر دیا ہے۔ خطے میں اسرائیلی ڈرون کارروائیوں کے باعث سیکورٹی صورتحال مزید کشیدہ ہو گئی ہے