ایرانی وزیر خارجہ آج عمان کا دورہ، خطے کی بڑھتی کشیدگی پر تبادلہ خیال کریں گے

یران کے وزیر خارجہ عباس عراقچی آج عمان کا ایک اہم سفارتی دورہ کریں گے، جہاں وہ خطے کی تازہ ترین صورتحال بالخصوص آبنائے ہرمز میں پیدا ہونے والی حالیہ صورتِ حال پر عمان کی اعلیٰ قیادت سے گفتگو کریں گے۔ ایرانی سرکاری خبر رساں ادارے ’ارنا‘ (IRNA) کے مطابق، اس اہم دورے کے دوران دونوں ممالک کے حکام علاقائی سلامتی، بحری گزرگاہوں کی حفاظت اور آبنائے ہرمز میں پیش آنے والی حالیہ پیش رفت پر تفصیلی مشاورت کریں گے۔ واضح رہے کہ آبنائے ہرمز عالمی تجارت اور تیل کی بین الاقوامی ترسیل کے لیے دنیا کا نہایت اہم ترین سمندری راستہ تصور کیا جاتا ہے، جس کی وجہ سے وہاں پیدا ہونے والی کشیدگی پر عالمی برادری کی بھی گہری نظر ہے۔ خطے کی موجودہ نازک صورتحال کے تناظر میں ایران اور عمان کے درمیان اس ملاقات کو انتہائی اہمیت کا حامل قرار دیا جا رہا ہے۔