سپریم لیڈر علی خامنہ ای کے قتل کا بدلہ لیا جائے گا: سربراہ پاسداران انقلاب

ایران کی پاسدارانِ انقلاب کے سربراہ بریگیڈیئر جنرل احمد واحدی نے رہبرِ انقلاب آیت اللّٰہ علی خامنہ ای کی شہادت کا بدلہ لینے کے پختہ عزم کا اظہار کرتے ہوئے امریکہ اور اسرائیل کو سخت نتائج کی دھمکی دی ہے۔ اپنے ایک تند و تیز بیان میں جنرل احمد واحدی نے کہا کہ رہبرِ انقلاب کا قتل تاریخ کی یادداشت سے کبھی مٹایا نہیں جا سکے گا اور انصاف کی مکمل فراہمی کے لیے ذمہ دار عناصر، خصوصاً امریکی فوج کو اس کی سزا دینا ناگزیر ہے۔ انہوں نے واضح کیا کہ امریکہ اور تمام دشمن قوتیں یہ جان لیں کہ اس بزدلانہ اقدام کے ذریعے وہ مزاحمتی تحریک کا پرچم ہرگز سرنگوں نہیں کر سکتے، اور شہداء کے خون کا بدلہ لینا ایران کا حتمی، جائز اور ناقابلِ فراموش مطالبہ رہے گا۔ دوسری جانب، شہید رہبر آیت اللہ علی خامنہ ای کو مشہد مقدس میں امام رضا علیہ السلام کے روضے کے احاطے میں سپردِ خاک کر دیا گیا ہے، ان کی آخری رسومات اور جنازے میں مختلف ممالک کے سربراہان، اعلیٰ حکام اور مذہبی وفود سمیت ریکارڈ 4 کروڑ 30 لاکھ افراد نے شرکت کی۔