فیلڈ مارشل عاصم منیر کی چیف آف ڈیفنس فورسز کی تعیناتی ، وزیراعظم نے سمری ایوانِ صدر بھجوا دی

وزیراعظم شہباز شریف نے فیلڈ مارشل سید عاصم منیر کی بطور چیف آف آرمی اسٹاف اور نئے منصب چیف آف ڈیفنس فورسز تعیناتی کی سمری منظوری کے بعد ایوانِ صدر بھجوا دی ہے۔ فیلڈ مارشل عاصم منیر دونوں اہم عہدے ایک ساتھ سنبھالیں گے۔

چیف آف ڈیفنس فورسز کا عہدہ پہلی بار تشکیل دیا گیا ہے، اور فیلڈ مارشل سید عاصم منیر ملک کے پہلے چیف آف ڈیفنس فورسز ہوں گے۔ یہ تعیناتی پانچ سال کے لیے کی گئی ہے۔

دریں اثنا وزیراعظم نے چیف آف ایئر اسٹاف، ائیر چیف مارشل ظہیر احمد بابر سدھو کی مدتِ ملازمت میں دو سال کی توسیع کی بھی منظوری دی ہے، جو ان کی موجودہ پانچ سالہ مدت مارچ 2026 میں مکمل ہونے کے بعد نافذ ہوگی۔