LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ اسلام آباد میں گاڑیوں کیلئے فٹنس سرٹیفکیٹ لازمی قرار، یکم دسمبر سے کریک ڈاؤن ہو گا پنجاب میں بلدیاتی انتخابات دو مراحل میں کرانے کی منظوری ابوظبی: روسی ایم ایم اے فائٹر عثمان نورماگومیدوف جیل سے رہا، جرمانے میں 50 فیصد کمی

کارگو طیارہ حادثہ، عملے کے 5 ارکان، بلیک باکس کو تلاش نہ کیا جا سکا

Web Desk

10 July 2026

منگل کی شب بلوچستان کے ساحلی علاقے اورماڑہ کے قریب گہرے سمندر میں گر کر تباہ ہونے والے بدقسمت کارگو طیارے کے ملبے اور پانچ رکنی عملے کی تلاش کے لیے ریسکیو آپریشن کا دائرہ مزید وسیع کر دیا گیا ہے۔ حکام کے مطابق، حادثے کا مقام سمندر میں لگ بھگ 3 ہزار میٹر (10 ہزار فٹ) گہرا ہے، جس کی وجہ سے کاک پٹ عملے اور بلیک باکس کی ریکوری انتہائی پیچیدہ اور صبر آزما ثابت ہو رہی ہے۔ خراب موسم، سمندری طغیانی، بلند لہروں اور تندوتیز ہواؤں کے باوجود جمعرات کو مسلسل تیسرے روز پاک بحریہ اور پاکستان میری ٹائم سیکیورٹی ایجنسی (PMSA) سمیت دیگر اداروں کا مشترکہ سالویج، سرچ اور ریسکیو آپریشن جاری رہا، تاہم ابھی تک کاک پٹ عملے یا بلیک باکس کا کوئی سراغ نہیں مل سکا ہے۔

ایوی ایشن ماہرین کا خیال ہے کہ گرنے والے کارگو طیارے کا فیوزلاج (پیٹا) اور کیبن سمیت دیگر وزنی حصے سمندر کی تہہ میں موجود ہو سکتے ہیں، لیکن جس تیز رفتاری اور بلندی سے طیارہ سطحِ آب سے ٹکرایا، اس کے پیشِ نظر ڈھانچے کے سلامت ہونے کے امکانات کافی محدود ہیں۔ حکام کا کہنا ہے کہ سمندر سے بلیک باکس ملنے کے بعد اسے طیارہ ساز کمپنی کی زیرِ نگرانی ڈی کوڈ کرنے کے لیے بیرونِ ملک بھیجا جائے گا۔ دوسری جانب، حادثے کا شکار ہونے والے طیارے میں لاپتہ کراچی کے رہائشی اور نامور ایئرکرافٹ انجینئر عارف صدیقی کے اہل خانہ ابھی تک امید کا دامن تھامے کسی معجزے اور اچھی خبر کے منتظر ہیں۔ عارف صدیقی کے بڑے صاحبزادے عبدالرافع نے میڈیا سے گفتگو کرتے ہوئے بتایا کہ ان کے والد ‘ناردرن ٹیک’ سے وابستہ تھے اور مختلف ایوی ایشن کمپنیوں کے لیے خدمات سرانجام دے رہے تھے، انہوں نے نم آنکھوں سے کہا کہ ہر گزرتا لمحہ ان کے خاندان کے لیے انتظار کی گھڑیوں کو مزید کٹھن اور اذیت ناک بنا رہا ہے۔