LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسرائیل کا غزہ میں بڑا فوجی آپریشن، ٹینکوں کی پیش قدمی، ہزاروں فلسطینیوں کی نقل مکانی سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا سعودیہ کی حوثی باغیوں کیخلاف مہم آئندہ سال تک طویل کرنے کی تیاری بلغاریہ میں پانچ سال تک بڑے سائبر حملوں، ہیکنگ آپریشن کا انکشاف صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون مغربی سینیگال کے ساحل پر تارکین وطن کی کشتی الٹنے سے ایک شخص ہلاک عجمان میں پہلے عالمی میڈیا فورم 2026ء کا انعقاد، 17 ممالک کے 68 مقررین شریک تقسیم اور لوگوں کو آپس میں لڑانے کی کوششیں ناقابل قبول ہیں: مراد علی شاہ بلاول بھٹو کے بیان پر وفاقی وزرا کی چیخیں نکل رہی ہیں: سعید غنی بھارت کے پاس 36 میں سے 32 رافیل طیارے رہ گئے: برطانوی جریدے کی پاکستان مؤقف کی تصدیق پوتن اور شی میں مذاکرات دوستانہ ماحول میں ہوئے، ٹرمپ سے بھی بات چیت ہوگی: کریملن

4 ارب کی عدم ریکوری، خریداریوں میں ڈھائی ارب کی بےضابطگیاں، آڈٹ رپورٹ جاری

Web Desk

9 July 2026

آڈیٹر جنرل آف پاکستان نے مالی سال 2025-26 کی سالانہ آڈٹ رپورٹ جاری کر دی ہے، جس میں وزارتِ داخلہ اور اس کے مختلف ذیلی محکموں میں اربوں روپے کے سنگین آڈٹ اعتراضات اور مالیاتی بے ضابطگیوں کی نشاندہی کی گئی ہے۔ رپورٹ کے مطابق، وزارتِ داخلہ کے ذیلی محکمے سیکیورٹی کمپنیوں سے تجدید (رینیوول) فیس، پرمٹ اور اسلحہ لائسنسوں کے واجبات کی مد میں 4 ارب روپے سے زائد کی رقم وصول کرنے میں بری طرح ناکام رہے ہیں۔ آڈٹ دستاویزات میں انکشاف کیا گیا ہے کہ بلٹ پروف گاڑیوں کے پرمٹ کی مد میں 2 کروڑ 24 لاکھ روپے کے واجبات اور جرمانے وصول نہیں کیے گئے، جبکہ ایسی 164 گاڑیوں کے این او سیز (NOCs) کی سالانہ فیس بھی سرکاری خزانے میں جمع نہیں ہو سکی۔ اس کے علاوہ، 3,421 اسلحہ لائسنسوں کی مد میں 5 کروڑ 62 لاکھ روپے کی فیس بھی قومی خزانے میں جمع ہونے سے رہ گئی ہے۔

رپورٹ میں ممنوعہ بور کے اسلحہ لائسنسوں کے ڈیٹا میں سنگین خامیوں کا پردہ چاک کرتے ہوئے بتایا گیا ہے کہ وزارتِ داخلہ کے کل 25 ہزار 516 اسلحہ لائسنسوں میں سے 16 ہزار سے زائد لائسنس ممنوعہ بور کے ہیں، جن کے اجراء کے ریکارڈ میں شدید ترین خرابیاں پائی گئی ہیں۔ آڈٹ حکام نے ان اسلحہ لائسنسوں کو روایتی مینوئل بک سے مشین ریڈ ایبل (ڈیجیٹل) فارمیٹ پر منتقل نہ کرنے پر سخت اعتراض اٹھایا ہے۔ مزید برآں، آڈیٹر جنرل کی رپورٹ کے مطابق وزارتِ داخلہ کی جانب سے کی جانے والی مختلف سرکاری خریداریوں (پروکیورمنٹ) میں 2 ارب 58 کروڑ روپے کی بڑی بے ضابطگیاں سامنے آئی ہیں۔

آڈٹ رپورٹ میں محکمے کے اندرونی آڈٹ اور چیک اینڈ بیلنس کے کمزور نظام پر بھی گہری تشویش کا اظہار کیا گیا ہے، جس کے باعث اندرونی کنٹرول کی خرابیوں پر 41 کروڑ روپے سے زائد، جبکہ دیگر مدات میں 29 کروڑ روپے کی مالیاتی بے ضابطگیوں کے اعتراضات اٹھائے گئے ہیں۔ آڈٹ پیرا کے مطابق، جب وزارتِ داخلہ سے ان فیسوں کی عدم وصولی پر جواب طلب کیا گیا تو وزارت نے موقف اختیار کیا کہ یہ فیس جمع کرنا ان کی براہِ راست ذمہ داری میں نہیں آتا۔ تاہم، آڈیٹر جنرل آف پاکستان نے وزارتِ داخلہ کے اس جواب کو یکسر مسترد کرتے ہوئے اپنے حتمی فیصلے میں لکھا ہے کہ متعلقہ فیسوں اور واجبات کی بروقت وصولی اور سرکاری خزانے کا تحفظ کرنا خالصتاً وزارتِ داخلہ کی ہی آئینی و قانونی ذمہ داری تھی۔