امریکا کے ایران پر حملہ کے بعد اسرائیل کی جنوبی لبنان پر بمباری

امریکا کی جانب سے ایران کے خلاف نئی فوجی کارروائی کے فوری بعد اسرائیلی فضائیہ نے بھی جنوبی لبنان پر نئے حملے شروع کر دیے ہیں۔ ان تازہ حملوں کے بعد مشرقِ وسطیٰ میں جنگی کشیدگی مزید شدت اختیار کر گئی ہے۔

روسی میڈیا کے مطابق اسرائیلی فضائیہ نے جنوبی لبنان میں متعدد مقامات کو فضائی حملوں کا نشانہ بنایا ہے۔ تاہم، ان حملوں کے نتیجے میں ہونے والے جانی یا مالی نقصان کی فوری طور پر کوئی مصدقہ اطلاع موصول نہیں ہو سکی۔

یاد رہے کہ اس سے قبل امریکی فوج نے ایران کے خلاف بڑے پیمانے پر نئی فوجی کارروائی کی تھی، جس میں ایران کے اندر 80 سے زائد اہم اہداف کو نشانہ بنایا گیا۔ امریکی سینٹرل کمانڈ (CENTCOM) نے اس کارروائی کی تصدیق کرتے ہوئے موقف اختیار کیا ہے کہ یہ حملے آبنائے ہرمز سے گزرنے والے تین تجارتی جہازوں پر ایرانی حملوں کے ردعمل میں کیے گئے ہیں۔

مبصرین کا کہنا ہے کہ امریکا اور اسرائیل کی ان بیک وقت کارروائیوں سے خطے میں ایک وسیع تر علاقائی جنگ کا خطرہ پیدا ہو گیا ہے