نائب وزیرِ اعظم اسحاق ڈار کی زیرِ صدارت اہم سفارتی اجلاس؛ کثیرالجہتی عالمی فورمز پر ملکی مؤقف مضبوط بنانے کی ہدایات

نائب وزیرِ اعظم اور وزیرِ خارجہ سینیٹر محمد اسحاق ڈار کی زیرِ صدارت وزارتِ خارجہ میں ایک اہم مشاورتی اجلاس منعقد ہوا، جس میں ملک کے اہم سفارتی امور اور کثیرالجہتی سفارتی سرگرمیوں کا تفصیلی جائزہ لیا گیا۔ ترجمان دفترِ خارجہ کے مطابق، اجلاس کے دوران نائب وزیرِ اعظم کو آئندہ ہونے والی اعلیٰ سطحی بین الاقوامی تقریبات اور کانفرنسوں کی تیاریوں پر بریفنگ دی گئی۔ اس موقع پر اسحاق ڈار نے عالمی سطح پر کثیرالجہتی نظام کے فروغ کے لیے پاکستان کے مضبوط عزم کا اعادہ کیا اور مختلف عالمی فورمز پر ملک کے اصولی مؤقف کو مؤثر انداز میں پیش کرنے کے حوالے سے سینئر حکام کو خصوصی ہدایات جاری کیں۔ اس اہم سفارتی اجلاس میں سیکریٹری خارجہ آمنہ بلوچ اور وزارتِ خارجہ کے دیگر سینئر حکام نے بھی شرکت کی۔