متنازعہ ٹویٹس کیس؛ سپریم کورٹ کا ایمان مزاری اور ہادی علی چٹھہ کی سزا معطلی کی درخواستوں پر ایڈیشنل اٹارنی جنرل کو نوٹس جاری

سپریم کورٹ آف پاکستان نے متنازعہ ٹویٹس کیس میں سزا یافتہ ایمان مزاری اور ہادی علی چٹھہ کی سزا معطلی کی درخواستوں پر اہم پیش رفت کرتے ہوئے وفاقی حکومت اور دیگر فریقین کو نوٹسز جاری کر دیے ہیں۔

کیس کی سماعت سپریم کورٹ کے فاضل جج جسٹس محمد علی مظہر کی سربراہی میں قائم تین رکنی بینچ نے کی۔ سماعت کے دوران ایمان مزاری اور ہادی علی چٹھہ کے وکلاء نے عدالت کے روبرو سزا معطل کرنے کے حق میں دلائل دیے۔

عدالتِ عظمیٰ نے درخواستوں پر ابتدائی غور کے بعد ایڈیشنل اٹارنی جنرل سمیت کیس سے متعلقہ دیگر تمام فریقین کو باقاعدہ نوٹس جاری کرتے ہوئے ان سے جواب طلب کر لیا ہے۔ بعد ازاں، سپریم کورٹ نے کیس کی مزید سماعت 21 جولائی تک کے لیے ملتوی کر دی۔