ہر جنگ رُکوانے پر نوبیل انعام ملنا چاہیے، مگر میں لالچی نہیں، صدر ٹرمپ

واشنگٹن: امریکی صدر ڈونلڈ ٹرمپ کا کہنا ہے کہ انہیں نوبیل انعام نہیں دیا گیا، حالانکہ یہ کہا گیا تھا کہ اگر وہ روس۔یوکرین جنگ رکوا دیں گے تو انہیں یہ اعزاز ملے گا۔ ٹرمپ کا کہنا تھا کہ کسی نے یہ نہیں دیکھا کہ انہوں نے پاک۔بھارت کشیدگی سمیت آٹھ جنگیں رکوائیں۔

کابینہ اجلاس سے خطاب میں ٹرمپ نے کہا کہ حقیقتاً تو انہیں ہر جنگ رُکوانے پر نوبیل انعام ملنا چاہیے، لیکن وہ ’’لالچی نہیں بننا چاہتے‘‘۔

امریکی صدر نے دعویٰ کیا کہ نوبیل انعام پانے والی ایک خاتون نے بھی انہیں اس اعزاز کا حق دار قرار دیا تھا۔

ٹرمپ کا کہنا تھا کہ انہیں جنگوں میں ہونے والی ہلاکتوں کی فکر رہتی ہے، انہوں نے آٹھ جنگوں کو ختم کروایا جبکہ نویں  روس یوکرین جنگ  بھی اختتام کے قریب ہے۔

انہوں نے کہا کہ یوکرین کی صورتحال پیچیدہ ہے اور اس مسئلے کا حل نکالنا آسان نہیں۔