آسٹریا کا تہران میں سفارت خانہ معمول کے مطابق فعال ہوگیا

ایران کے دارالحکومت تہران میں آسٹریا کا سفارت خانہ ایک طویل تعطل کے بعد دوبارہ معمول کے مطابق فعال ہو گیا ہے، تاہم قونصلر خدمات کی بحالی کا اعلان بعد میں کیا جائے گا۔

تہران میں قائم آسٹریا کے سفارت خانے کی جانب سے سوشل میڈیا پر جاری ایک باضابطہ بیان میں تصدیق کی گئی ہے کہ یکم جولائی سے سفارت خانے کی معمول کی سفارتی سرگرمیاں اور آپریشنز بحال کر دیے گئے ہیں۔ بیان میں مزید کہا گیا ہے کہ ویزا اور دیگر قونصلر خدمات کی دوبارہ بحالی سے متعلق حتمی فیصلہ اور اعلان بعد میں کیا جائے گا۔

واضح رہے کہ آسٹریا کے سفارت خانے نے 2025ء میں بعض سکیورٹی اور انتظامی مسائل، جنہیں اس وقت سفارت خانے نے ’’ناقابلِ عبور رکاوٹیں‘‘ قرار دیا تھا، کے باعث اپنی قونصلر خدمات عارضی طور پر معطل کر دی تھیں۔ سفارت خانے کی معمول کی سرگرمیوں کی بحالی کو ایران اور آسٹریا کے درمیان دوطرفہ سفارتی روابط کی مضبوطی کی جانب ایک اہم پیش رفت قرار دیا جا رہا ہے، تاہم عام شہریوں کے لیے قونصلر خدمات کی بحالی کی حتمی تاریخ کا تاحال انتظار ہے