عالمی و مقامی مارکیٹس میں سونے کی قیمت میں آج پھر بڑی کمی انٹرنیشنل مارکیٹ میں 41 ڈالر سستا ہوکر فی اونس سونا 4024 ڈالر پر آگیا

عالمی مارکیٹ کے اثرات کے باعث مقامی صرافہ بازاروں میں بھی سونے کی قیمتوں میں کمی کا سلسلہ مسلسل جاری ہے، جس سے فی تولہ سونا ہزاروں روپے سستا ہو گیا ہے۔

آل پاکستان صرافہ ایسوسی ایشن کی جانب سے جاری کردہ تازہ ترین اعداد و شمار کے مطابق، ملک بھر میں 24 کیرٹ فی تولہ سونے کی قیمت میں 4,100 روپے کی بڑی کمی ریکارڈ کی گئی ہے، جس کے بعد نئی قیمت 424,836 روپے پر آ گئی ہے۔ اسی طرح، 10 گرام سونے کی قیمت بھی 4,515 روپے کی گراوٹ کے بعد 364,228 روپے کی سطح پر بند ہوئی۔ دوسری جانب، سونے کے برعکس چاندی کی قیمتوں میں معمولی اضافہ دیکھا گیا، جہاں فی تولہ چاندی 25 روپے مہنگی ہو کر 6,349 روپے کی ہو گئی۔