اسمبلی ڈسٹرکٹ 36 کی دوڑ: میری جبیدہ کی کمیونٹی سے حمایت کی اپیل، سینیٹر جان لیو نے بھی حمایت کا اعلان کر دیا
Web Desk
30 November 2025
نیویارک: امریکی ریاست نیویارک کے اسمبلی ڈسٹرکٹ 36 کے لیے انتخابی مہم میں تیزی آ گئی ہے، اور بنگلہ دیشی نژاد امیدوار میری جبیدہ نے میئرل الیکشن کے اختتام کے بعد کمیونٹی سے باضابطہ حمایت کی اپیل کر دی ہے۔ میری جبیدہ کی حمایت میں گزشتہ دنوں اسٹیٹ سینیٹر جان لیو نے بھی ایسٹوریہ میں ایک تقریب کے دوران کھل کر حمایت کی۔
میری جبیدہ نے اپنے پیغام میں کہا کہ انہوں نے رواں سال جولائی میں اس حلقے سے الیکشن کے لیے کاغذات جمع کرائے تھے، اور امکان ہے کہ فروری میں اس نشست پر خصوصی انتخاب ہوگا۔
ان کا کہنا تھا کہ نومبر 4 تک کمیونٹی کی تمام تر توجہ زوہران کی انتخابی مہم پر مرکوز تھی، اس لیے انہوں نے مہم کو پیچھے رکھا، مگر اب انہیں کمیونٹی کی عملی حمایت کی شدید ضرورت ہے۔
گزشتہ جمعہ ایسٹوریہ میں شدید سرد موسم کے باوجود کمیونٹی ارکان بڑی تعداد میں جمع ہوئے، جہاں سینیٹر جان لیو نے میری جبیدہ کی امیدواری کی عوامی سطح پر توثیق کی۔ میری جبیدہ کے مطابق پہلی نسل کے امریکیوں کے لیے—خصوصاً ان افراد کے لیے جو جوانی میں امریکا آئے ہوں—سیاسی عمل میں حصہ لینا آسان نہیں ہوتا۔
میری جبیدہ نے کہا کہ 2020 کے الیکشن میں وہ معمولی مارجن سے شکست کھا گئی تھیں، تاہم اس سال نئے ڈسٹرکٹ میں ان کے پچھلے حلقے کا ایک بڑا حصہ شامل ہے، جہاں انہیں پانچ ہزار سے زائد ووٹ ملے تھے۔ انہوں نے کہا کہ وہ پُرامید ہیں اور کمیونٹی کا تعاون ان کی مہم کے لیے فیصلہ کن کردار ادا کرے گا۔
انہوں نے بتایا کہ وہ اپنے والدین کی گیارہ اولادوں میں واحد فرد ہیں جو امریکا میں مقیم ہیں، جبکہ باقی تمام بہن بھائی بنگلہ دیش میں رہتے ہیں۔ ’’یہ کمیونٹی ہی میری طاقت ہے، یہی لوگ مجھے آگے بڑھنے کی ہمت دیتے ہیں،‘‘ انہوں نے کہا۔
میری جبیدہ نے کہا کہ وہ جنوبی ایشیائی اور مسلم نمائندگی کو برقرار رکھنے اور پسماندہ طبقات کے حقوق کے لیے اپنی جدوجہد جاری رکھیں گی۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026