برطانیہ میں بڑی سیاسی ہلچل نیا وزیراعظم کون ؟ انتخاب کا شیڈول جاری

برطانیہ کے سیاسی میدان میں ایک بار پھر بڑی ہلچل شروع ہو گئی ہے جہاں برسرِاقتدار لیبر پارٹی نے نئے قائد اور ملک کے اگلے ممکنہ وزیراعظم کے انتخاب کا باقاعدہ شیڈول جاری کر دیا ہے۔ اس انتخابی عمل کا حتمی نتیجہ 29 اگست کو سامنے آئے گا۔  برطانوی میڈیا کی رپورٹس کے مطابق، اس نئی سیاسی تبدیلی کے نتیجے میں مانچسٹر کے موجودہ میئر اور لیبر پارٹی کے رہنما اینڈی برنم چند ہی ہفتوں میں برطانیہ کے نئے وزیراعظم بن سکتے ہیں۔  9 سے 15 جولائی تمام امیدواروں کے لیے لازم ہوگا کہ وہ پارٹی کے کم از کم 81 ارکانِ پارلیمنٹ (MPs) کی تحریری حمایت حاصل کریں۔ 17 جولائی اگر اینڈی برنم مطلوبہ ارکان کی حمایت کے ساتھ واحد امیدوار کے طور پر سامنے آتے ہیں، تو 17 جولائی کو ہی ان کی بلا مقابلہ کامیابی کا حتمی اعلان کر دیا جائے گا۔ 26 سے 27 اگست  اگر میدان میں ایک سے زائد امیدوار ہوئے تو پارٹی ارکان کے درمیان باقاعدہ ووٹنگ کا عمل شروع ہوگا جو 27 اگست تک جاری رہے گا۔ 29 اگست لیبر پارٹی نئے قائد اور برطانیہ کے نئے وزیراعظم کے نام کا حتمی اعلان کرے گی۔  لیبر پارٹی کے قوانین کے مطابق، پارٹی لیڈرشپ کے اس اہم ترین انتخاب میں صرف وہی ارکان ووٹ ڈالنے کے اہل تصور کیے جائیں گے جو 25 دسمبر 2025 سے قبل پارٹی کی باقاعدہ رکنیت حاصل کر چکے تھے۔  رپورٹ میں مزید واضح کیا گیا ہے کہ برطانیہ میں نئے وزیراعظم کے باقاعدہ انتخابی عمل کی تکمیل اور اقتدار کی منتقلی تک موجودہ برطانوی وزیراعظم کیئر اسٹارمر اپنے عہدے پر برقرار رہیں گے اور حکومتی امور چلاتے رہیں گے۔