روس کی مشرق وسطیٰ میں امن کیلئے پاکستان کے سفارتی کردار کی تعریف

روس نے مشرقِ وسطیٰ میں امن و استحکام کے قیام کے لیے پاکستان کے سفارتی کردار کی بھرپور تعریف کی ہے۔ روسی دفترِ خارجہ کے ترجمان نے اپنے ایک بیان میں کہا ہے کہ روس خطے میں تناؤ کو کم کرنے کے لیے پاکستان کی ثالثی اور مذاکراتی کوششوں کو انتہائی قدر کی نگاہ سے دیکھتا ہے۔ ترجمان کا کہنا تھا کہ ایران اور امریکا کے درمیان حالیہ مفاہمت پر اس کی روح کے مطابق مکمل عملدرآمد ہونا مشرقِ وسطیٰ کے دیرپا امن کے لیے ناگزیر ہے۔ روس نے عزم ظاہر کیا کہ وہ اس خطے میں پائیدار امن کی خاطر پاکستان کے ساتھ سفارتی تعاون کو مزید آگے بڑھانے کے لیے تیار ہے۔

علاوہ ازیں، ترجمان روسی دفترِ خارجہ نے پاکستانی طلبہ پر روس کی جانب سے نئی ویزا پابندیاں عائد کیے جانے کے حوالے سے گردش کرنے والی تمام خبروں کو یکسر مسترد کرتے ہوئے انہیں بالکل بے بنیاد اور من گھڑت قرار دیا۔